حسين السلمان عضو نشيط
عدد المساهمات : 209 تاريخ التسجيل : 21/10/2009
| موضوع: شروطكم هذي شـروط المجانيـن الأربعاء أكتوبر 28, 2009 10:34 pm | |
| قصيده رائعه وأكثر من رائعه وتحاكي الواقع المرير الواقع فيه أغلب شباب مجتمعنا السعودي----------------------------- سبحان من يرزق بتوع الملاييـن*** الرازق اللي ما يخيب الرجـا بـه لي عم عنده معـرضٍ للصواليـن ***أموت واعرف بس من وين جابـه وإذا سألته قـال بعـت الدكاكيـن***ما يدري إني ما هضمت الإجابـة الشاهد إني رحت له قبـل يوميـن***في قصره العامـر ودقيـت بابـه قال أرحب أرحب عدّد ورد البساتين***يا مرحبا باللـي لفـا يـا هلا بـه قلت البقا عـدّ النفـل والرياحيـن ***يا شيخ شمل أهل الكرم والذرابـه قال اسلم الله يحفظك لي من العين***وآمر أوامر حضرتـك مستجابـة قلت الصراحة طالبٍ قرب غاليـن*** ودي تزوجنـي كريمتـك يـابـه ثنّى وقال أهليـن والله وسهليـن***والكون ترخص لجل عينك رقابـه لكن ترا عندي شـروط وقوانيـن***قلت اشرط اشرط يا حبيب الغلابـة قال أولاً مهر العروسـة ثمانيـن***غير الرسوم وغير حق العصابـة والثانية عمك يبي منـك سبعيـن***رسم الأبـوّة والنسـب والقرابـة وأم العروسة حقها منـك ستيـن***عشانها ست الحسـن والمهابـة وإخوانها كلن يبي منـك خمسيـن***عداً ونقـداً تنـدرج فـي حسابـه وخواتها الخمس عطهن من ثلاثين***عشان تتوثـق عـروق النسابـة وتجيب طقم عيار واحد وعشرين***وخاتم من الماس المصفى ترابـه وأكياس متروسة كعوب وفساتيـن***ألوانهـا وأشكالهـا مـا تشابـه وموتر بسواقـه وفيـلا بدوريـن***أثاثهـا مـن بطرتـه ينحكـى بـه واحجز لنا قاعة بقصر السلاطيـن***واحجز بهـا رقاصتيـن وربابـه هذي الشروط اللي على بالي الحين***وذكرني اللي ما حسبنـا حسابـه قلت اذكر الله يا عـدو المساكيـن***واستغفـره لا يبتلـيـك بعـذابـه الظاهر إنك منت عارف أنا ميـن ***أنا لو أرقى فـوق متـن السحابـه ما جبت حتى نص درزن مواعيـن***واضحك بكيفك واعتبرهـا دعابـة شروطكم هذي شـروط المجانيـن***شروطكم شغـل ابتـزاز ونهابـه شروطكم تقصم ظهـور البعاريـن***شروطكـم همّـن وغـم وكآبـه شروطكم والله سيوف وسكاكيـن***تذبح بنات المجتمع مـع شبابـه وين الرضا والعطف واليسر والليـن***اللي ذكرهـا الله بمحكـم كتابـه وين الصفات اللي أمرنا بها الديـن **وين اختفى نهج النبي والصحابـة يا عم جعل اللي خلقنا من الطيـن**يرد عقلك مـن خطـاه لصوابـه ويجعل نصيبي عند غيرك قل آمين**ويحسن عزا الصابر ويجزل ثوابه قال أنت لو فكرت تفكير صاحيـن***ما شفت في مجمل شروطي غرابه حنا بعصـر العولمـة والمزاييـن *** ماهوب عصر الفلسفة والخطابـة الناس تسعى للرتـب والنياشيـن***وأنت اهتمامك بالشعـر والكتابـة والشعر ما ينفعك لو هو دواويـن***ما دام جيبك مثـل بيـت الخرابـة يا بوك لا تسمع كلام المصاخيـن***واسأل مجرب عاش في وسط غابه قلت الله أكبر يا محـرر فلسطيـن ***من يسمعك يحسبك ذيـب الذيابـه تراك شايب رأس مالـك رياليـن ***والبنت ما تسوى جنـاح الذبابـة<<< خربت الأخلاق قال انقلع مالت على وجهك الشين****لا عاد أشوفـك عندنـا يالزلابـه قلت ابشر أبشر لكن الباب من وين**وأقفيت من عنده على صوت بابـه
منقووووووووووووووووول
أتمنى عجبتكم أنتظروني أخوكم : حسين | |
|
محمود الشغب مراقب
عدد المساهمات : 574 تاريخ التسجيل : 29/10/2008 العمر : 32 الموقع : بين الرمش والعين
| موضوع: رد: شروطكم هذي شـروط المجانيـن الجمعة أكتوبر 30, 2009 8:14 am | |
| مابيتزج مراه عاديه بيتزوج مليكة جمال العالم تسلم على القصيده | |
|
حسين السلمان عضو نشيط
عدد المساهمات : 209 تاريخ التسجيل : 21/10/2009
| موضوع: رد: شروطكم هذي شـروط المجانيـن الجمعة أكتوبر 30, 2009 3:36 pm | |
| هههههههههههههههه
مشكور على المرور الرائع
أنرت حبيبي
وصحيح هذي الأيام شروط الأهل تعقد الزواج
الله يعينا
مشكور
أخوك : حسين | |
|
أحمد البن أحمد مدير عام
عدد المساهمات : 684 تاريخ التسجيل : 17/10/2009 العمر : 32 الموقع : يــاقلبي يـــاصابر
| موضوع: رد: شروطكم هذي شـروط المجانيـن الأحد نوفمبر 01, 2009 1:42 am | |
| نصيحه له انه يظل عزووووبي احسن له تحياتي للشعر الراااقي | |
|
حسين السلمان عضو نشيط
عدد المساهمات : 209 تاريخ التسجيل : 21/10/2009
| موضوع: رد: شروطكم هذي شـروط المجانيـن الأحد نوفمبر 01, 2009 7:17 pm | |
| هههههههه
صعبه هاليام الواحد يبقى عزوبي طول عمرة
مشكور لمرورك الرائع
أنتظرني
أخوك : حسين | |
|
ذوالفقار عضو نشيط
عدد المساهمات : 30 تاريخ التسجيل : 14/11/2009
| موضوع: رد: شروطكم هذي شـروط المجانيـن الأربعاء نوفمبر 18, 2009 8:56 pm | |
| مشكوووووووووووورر
تحياتي ذوالفقار | |
|
حسين السلمان عضو نشيط
عدد المساهمات : 209 تاريخ التسجيل : 21/10/2009
| موضوع: رد: شروطكم هذي شـروط المجانيـن الأربعاء ديسمبر 02, 2009 8:41 am | |
| العفو حبيبي ذو الفقار
أخوك : حسين | |
|